Angli/Koncert madhështor i dirigjentit shqiptar, Bujar Llapaj në St. Mary-at-Hill

Dirigjenti shqiptar z. Bujar Llapaj, fitues i shumë çmimeve, figurë e shquar në Shqipëri dhe në Ballkan për muzikën klasike instrumentale, i cili tashmë prej 20 vjetësh jeton në Kanada ishte i ftuar në Londër, respektivisht në datat 10 -11 shtator 2022 për një koncert sinfonik me pjesë të nivelit të lartë botëror artistik.

Madhështia e këtij koncerti i dedikohej memorjes së instrumentistit Alan Blackwell, pjesë e orekestrës HCO, që humbi jetën nga Covid një javë përpara këtij koncerti.

Kjo atmosferë lamtumire përqasi edhe me klimën emocionale, të këtyre ditëve në Londër dhe në mbarë Mbretërinë e Bashkuar, me humbjen e mbretëresh Elizabeta II.

Hapja e këtij koncerti nën tingujt e himnit kombëtar  “ God save the King” ( Zot e ruaj Mbretin) dhe të gjithë të ftuarve në sallë të  ngritur në këmbë në respekt sublim ndaj figurës së Elizabetës lëshoi në atmosferë sintoni sentimentale dhe krenarije.

Një bashkëpunim potencial midis virtualitetit të dirigjentit shqiptar me pianistin anglez John Paul Ekins dhe orkestrës The Hertfordshire Chamber. Orkestër e cila ka një karjerë, në Mbretërinë e Bashkuar, rreth më shumë se 50 vjet.

Iu dhurua publikut një program nga tri kompozitorë së pari me overturën nga Cherubini “ Lodoïska”, Maurice Ravel “ Piano koncert në G” dhe “ Ma mére l’Oye’ Suite “, gjithashtu nga Igor Stravinsky “Pulcinella Suite”.

Në kohën e pushimit midis dy akteve publiku u njoh më nga afër me dirigjenitin shqiptar dhe orkestrantët, duke folur përzemërsisht të lirë, në ambjentin e bukur dhe historik prej më shumë se 1000 vjeçar të kësaj kishe. Ishin të pranishëm dhe mbështetën këtë aktivitet kulturor përfaqësues të shoqatës së artistëve British Albanian ( BAA) në Mbretërinë e Bashkuar.

Një organizim kulturor i cili vështirë që do të harrohet në Londër!