Shqipëria dhe Kazakistani arrijnë marrëveshjen për heqjen e vizave

Shqipëria dhe Kazakistani kanë arritur marrëveshjen për heqjen reciproke të vizave. Lajmin e ka bërë me dije Ministrja e Jashtme Olta Xhaçka e cila ka nënshkruar marrëveshjen në New York me homologun e Kazakistanit Tileuberdi Mukhtar.

Xhaçka ka shprehur bindjen se kjo marrëveshje do të kontribuojë në intensifikimin e bashkëpunimit dypalësh, në lirinë e lëvizjes dhe kontaktet e qytetarëve mes dy vendeve.

“Me ministrin e Jashtëm të Kazakistanit, Tileuberdi Mukhtar nënshkruam në Nju York marrëveshjen për heqjen reciproke të vizave mes dy vendeve. E bindur se kjo marrëveshje do të kontribuojë në intensifikimin e mëtejshëm të bashkëpunimit tonë dypalësh, në lirinë e lëvizjes dhe kontaktet e qytetarëve tanë”, shkruan Xhaçka në rrjetin social Facebook.