Rexhep Polisi: BIE SHI NË TIRANË

Bie shi në Tiranë!

Shi vetëtimash në erë…

A thua po e mbyt

Këtë Pranverë?!

Shi i trishtë në Tiranë,

Petalet si ëndrra të këputura

Në Gjithësi u shpërndanë,

Si mesazhe të humbura…

* * *

Tek shoh këtë grua që më vështron

Me sy dashurie,

Mendja më shkon te ti, dhe ndjej

Se zemra s’njeh kufinj largësie…

Tek shoh këtë lumë që rrjedh

Përbri malesh të lartë

Dhe valëvitet në ndjenjat e mia,

Shoh se si rritet e rritet dashuria…