Jorgos Souris: I THOTË KOMSHIJA KOMSHIJES TJETËR

I thotë komshija komshijes tjetër:

– Më thuaj pakëz moj ti zonjë e vjetër,

përse burrin tënd veç e emërojnë,

dhe timin, mavrinë, e zbojnë, e pushojnë?!

Tregomë mënyrën, moj zonjë… dhe ajo

që kish dhe një emër në k’ të shoqëri

i thotë: “afro veshin dhe vetëm dëgjo”!

k’ saj tjetrës që rrinte me perçe në sy.

Ç’i tha?… po kush dreqin dëgjoi të na thotë?

por veç që atëherë dhe burrin e saj,

e ngrejnë dhe çojnë nga posti në post

dhe ndrin jetë e tyre si lulja në maj.

Ju bë dhe “mavria” serioz e i rëndë,

në zyra ministrash gjithë nur e lezet

dhe vetes i thotë se ka një barrë mend,

pse çan falë talentit dhe punës së vet.

Shqipëroi: Arqile Garo.