Vlora Obertinca: Heshtja dhe xhelozia në jetën njerëzore

“Heshtja është sinonim i procesit të shërimit shpirtëror” – Vlora Obertinca.

“Secili nga ne kalon nëpër ngjarje të vështira në jetë, periudhë e cila nuk është e lehtë dhe duhet kohë për t’u rikuperuar. Mjeti më i shpeshtë që aplikohet gjatë procesit vetshërues është heshtja dhe jo më kot thuhet që heshtja është ari.

Andaj, kur e vëreni se dikush qëllimisht ju shmang dhe ka rënë në heshtje, lëreni të qetë në botën e vet, sepse askush nuk e di nëpër çka është duke kaluar ai njeri. Thjesht, çdo plagë kërkon kohë pêr t’u shëruar dhe koha shëron çdo gjë. Me rëndësi është të jemi të hapur me njëri-tjetrin dhe kur kthehen të shëruar, të jemi aty për ta dhe t’u dhurojmë shumë ngrohtësi dhe dashuri. Kjo sepse, kujdesi ndaj tyre është kujdes ndaj vetes sonë, ngase nesër mund të jemi ne ata që biem në heshtje”.

————-

“Xhelozia është një mendim që njeriun e ngre në frekuenca të energjisë negative. Duke qëndruar në këtë frekuencë në vetëdijen kolektive njeriu lidhet më të gjithë njerëzit e tjerë anë e kënd globit tokësor, të cilët frekuentojnë në të njejtën energji negative. Kështu, duke qëndruar në këtë gjendje më gjatë, njeriu mbledh edhe më shumë energji negative nga vetëdija kolektive, meqë aty shkëmbehen energji të njëjta në mes vehte. Sa kalon më shumë kohë në atë frekuencë negative njeriu mbetet në një rreth vicioz dhe vështirë se mund të dalë shpejtë nga aty, ngase me vetdëshirë tanimë ka krijuar një mostër negative të të menduarit negativ dhe shumë të dëmshëm për shëndetin e vet. Zakonisht, kjo mbledhje e helmit të panevojshëm e quajtur xhelozi, çon pas ca kohësh deri në sëmundje të rënda për shëndetin tonë. Andaj, kthehuni kah mendimi i bukur për tjetrin dhe për çdo gjë që ju rrethon. Në këtë mënyrë tërheqni me mendjen tuaj bekime të mëdha që nga pasuria, lumturia dhe shëndeti i mirë. Atë dëshirë apo mendim që e lironi nga koka juaj, sigurisht do kthehet tek ju në intensitet të njejtë siç e keni liruar. Gëzojuni sukseseve të tjerëve, që suksesi t’iu gjej juve, gëzojuni të mirave të tjerëve që të mirat t’ ju gjejnë juve. Filloni nga sot t’i tërheqni bekimet e bukura nga Universi”.

Please follow and like us: