Cikël poetik nga Dea Toçi

 

Në dashuri…

 

Dashuri është të mos ta kesh dhe prapë ta duash

dashuri është sa herë ta shohësh të të dridhen duart

dhe edhe nëse ke ikur prapë t’i thuash ‘po të pres’

Po të dolën llogaritë s’është dashuri, është biznes.

 

Insomnia

Si të ta them që ti po mungon

kur kokën çdo natë vë mbi jastëk

dhe pse në këtë dhomë nuk ishe kurrë

ke lenë erën tënde, kudo në çdo cep.

 

E vetmja që s’kam është gjithçka që dua

bast mbi çdo gjë do vija sot

që të mbështetesha në krahu e tua

dhe pa zë të ulërija: Faleminderit Zot!

 

Destinacion

 

Mos u falni perëndimet

njerëzve që do ikin në agim

kush nuk t’i mbyll sytë në mbrëmje

me ty s’meriton asnjë zgjim.

 

Askujt mos iu ndal

tek i radhës stacion

nëse në fund të rrugtimit

s’të ka destinacion.