Odise Kote: Varr i thjeshtë…

 

 

Varr i thjeshtë, për një vdekje intime,

sepse ca gjëra të rëndësishme kanë humbur nga sytë.

Kohë më parë qytetërimi e shikonte vdekjen në sy,

duke na treguar secilit shtegun

nëpër të cilin duhet të kalojmë,

dhe destinacionin e kuptimit të vetvetes.

 

 

 

Ç’është kjo thatësirë shpirti,

mungesë dëshire për të zbuluar misterin,

pikëtakimin me mistikën, fuqinë e mendimit,

duke shmangur shijen e të jetuarit?

 

 

Tek ai varr i zakonshëm ka heshtje mortore,

atje në varreza mes grumbullit të varreve,

me artizanë, vreshtarë, fisnikë të rrënuar, tregëtarë,

rojtarë hekurudhash, muratorë e kopshtarë.

 

 

Para emrave pa epitafe e monument,

jeta duket fare e thjeshtë,

po ashtu edhe bota!