Eftihia Papajanopoulu: BIE NJË SHI

Bie një shi i imtë, i shtruar,

dhe ti në shtrat flë e vetmuar,

unë endëm rrugës derëziu,

më rreh furtuna, më lag shiu.

Një kohë e keqe, kijamet,

po çahet zemra ime e shkretë,

në derën tënde po mbërdhij,

nën shkallë u shtriva dhe po ngrij.

Bie një shi i imtë, i shtruar,

për ty një shpirt qan i malluar,

hape pra derën, çele pak,

të hyj dhe të të shtroj jatak!

Shqipëroi: Arqile Garo, shkurt 2020.