Vlora Obertinca: Kthehu…

Kthehu te vendi

ku ke lënë gjysmën e shpirtit,

ai vend të pret ty,

deri në ditën e amshimit.

Pse rri nën hijen

e njeriut që s’të do?

Pse e rren veten?

zemrën shkatërron.

Nga larg më shikon

ditë dhe natë,

ëndërron momentin

kur do të më kesh pranë.

Por, kur je me mua sikur

guximi të mungon.

Nuk jam unë ajo

që e ke afër,

të thotë të dua

por, një jetë të tradhëton,

Mos u deh në verë

Se vera e deh mendjen,

por shpirtin nuk e shëron,

ajo që mua ma zuri vendin.