Binak Kelmendi: Nanë, ikët të gjithë

Nanë, të gjithë ikët

Baba, Ti…

Më latë në Vetmi

Nga gjashtëmbëdhjetë fëmijët

Gjithsej

Vetëm unë jam këtej

Pesë i njoha, jo të tjerë

Kujtimet rrinë vjerrë

S’ zgjati shumë kështu

Jeta s’i deshi këtu…

E para iku Zoja

Zonjushë në botën përtej

Herët iu këput toja

E jetës

Pastaj për liri ra Halili

Pranë livadhit, te pylli

Me mallin e mbesës

Më pas iku Ajshja, moshatarja ime

Që bashkë bënim shumë sherre

Dikur motra Halime

Dhe Mirja infermiere

Nanë, të fala të gjithëve

Të fala edhe Bab’s

Ama trego, vërtet,

A të qorton, më a të bërtet?

(Nëna vdiq më 26 nëntor 1997, në Prishtinë)