Xhezide Selimi: N’vargun kuq e zi

Me plis të bardhë n’zemër të Shote Galicës

erdha për ta trimëruar vargun e poezisë,

malet e thinjura m’dëftuan për historinë

e kulluar nga gjaku fisnik i Adem Jasharit.

Kerret n’vargun kuq e zi nuk po shkonin me e marrë nusen,

ata shkonin për festën e flamurit,

n’Prekazin e Jasharajve,

për të parë se si duhet e fitohet liria.

Në shtëpinë asimetrike presim të zotin e vendit,

të vijë e ta mbush me gaz motoçikletën e ndryshkun

nga lotët e pastër që vlojnë n’shpirt t’shqiptarit

Le ta marr automatikun e t’ia shpraz karikatorin veç edhe një herë,

një për një, për lirinë që aq shumë e deshti dhe e gatoi me duart e veta.