Ismail Xhaferi: SPAK-u që do bënte namin

 

Thanë se SPAK-u do bëjë namin,

doemos do kap hajdutin.

Por në fakt s’ndodhi kështu,

shkurt dhe SPAKU të ha mu…in.

 

Tani që mbarojë mandati,

me shumë zhurmë e me shumë bujë.

Mund të themi që ky SPAK,

bëri veç një vrimë në ujë.

 

Gjithçka mbeti siç ka qenë,

drejtësi krejt e padrejtë.

Burgjet plot i mbushin vetëm,

hallexhinjtë e fukarenjtë.

 

Vetëm fukarenjtë e shkretë,

e kanë vendin në qeli.

Kush e vodhi Shqipërinë,

vetëm SPAK-u nuk e di.

 

Vetëm SPAK-u nuk i njeh,

nuk i njeh ore dhe pikë.

Gjithë hajdutët me kollare,

që merren me politkë.

 

Kush i mbushi bankat plot,

plot me euro e dollarë.

Vilat në gjirin e Lalzit,

vetëm SPAK-u s‘i ka parë.

 

Kush ka vjedhur 30 vite,

kush ka bërë badërdi.

E di populli shqiptar,

vetëm SPAK-u nuk e di.

 

Kush i vodhi tokat, pyjet,

gjithçka kish kjo Shqipëri.

Djersën e njerëzve të ndershëm,

vetëm SPAK-u nuk e di.

 

Kush i vodhi armët, tanket,

gjithë fishekët e gjerdanët.

Kush i vodhi kudo pronat,

natyrisht politikanët.

 

Vetëm SPAK-u nuk shikon,

nuk shikon, por vetëm hesht.

Kush bën vila si kështjella,

vetëm me një pagë të thjeshtë.

 

Vetëm SPAK-u nuk i njeh,

që t‘u thotë atyre: ndal.

Gjithë hajdutëve me kollare,

që çdo ditë shesin moral.

 

Pra nuk ka asnjë dyshim,

që dhe SPAK-u të ha mu…in.

Ndaj hajdutët me kollare,

Klithin: kapeni hajdutin!

 

Gjithë hajdutėt në liri,

në liri me domosdo.

Ndërsa SPAK-u për çdo muaj,

firmën hedh në bordero.

 

Nga ky SPAK që fjeti gjumë,

kot që pritëm e shpresuam.

Rrogat e tyre të majme,

kurrë s’i justifikuan.

 

Thanë se SPAK-u do bëjë namin,

doemos do kap hajdutin.

Por në fakt s’ndodhi kështu,

Se dhe SPAKU të ha mu…in.