Vlora Obertinca: JETA ËSHTË MËSIM ME LEKSIONE TË NDARA

“Nganjëherë takojmë njerëz për të cilët më vonë pyesim pse i takuam, apo madje edhe e gjykojmë vehten pse ju dhamë rast ose hapësirë të qëndrojnë afër nesh dhe si përfundim pendohemi për çdo moment apo kujtim që përjetuam me ata persona.

Një gjë është e sigurt që në Univers nuk ka rastësi dhe çdo gjë ndodh për një arsye.

Secili person që vjen apo ikën nga jeta jonë, ka një rol për ta luajtur – o do jemi mësuesi i tij/saj, o do jenë mësuesit tanë. Kjo sepse jeta është mësim me leksione të ndara dhe secili leksion ka protagonistët e vet.

Kur ne fillojmë t’i kontrollojmë emocionet tona, ngadalë fillojmë të kuptojmë që NE jemi personi i vetëm që ka qasje në MENDJEN tonë dhe vetëm ne mund t’i japim një ngjarjeje kuptim pozitiv ose negativ.

Një ditë kur arrijmë të mendojmë me mendje të kthjellët, e kuptojmë se ai njeri ishte vetëm një protagonist i rëndomtë në një skenë të vogël nga filmi i gjatë, i quajtur JETË!

Andaj merrni me ngadalë dhe me qetësi kritikat ndaj vehtes dhe mos e gjykoni vetveten kurrë. Kjo sepse kur ngjarjet i përcjellim me qetësi, njëkohësisht hapim dyert e një të ardhmeje më të qetë, më të bukur për veten tonë dhe për njerëzit që na rrethojnë”