Dea Toçi: FUNDVIT

Është fundvit…

Çdo plagë që lëngon shkarazi zhduket vetë,

nga e para një kapitull rishtaz për të nisur,

në harresën e kohës ku asgjë nuk humbet

ta hedh të kaluarën si rrobë të braktisur.

Që e vesha me kujdes kurrë pa hekurosur,

i dhashë parfum shpirti aromë kundërmuar,

por në këtë fundvit e pashë të zhubrosur,

si në njëmijë copa më ikte ndër duar.

Është fundi i muajve që do mbeten në hije,

ç‘ka vjen gjithmonë është më e mirë se çfarë shkon,

me fund do ta kthej këtë vit si një pije…

Është koha të riut t‘i marr ç‘më takon!