Revolucioni i Iranit shënon ditën e 100 të protestave të pathyeshme

Revolucioni në Iran po shënon ditën e tij të 100-të të shtunën që nga dita kur 22-vjeçarja Mahsa Amini, një grua e re kurde iraniane, u vra në paraburgim nga policia pasi u arrestua sepse nuk i mbuloi siç duhet flokët.

Që nga ajo ditë Irani ka qenë dëshmitar i protestave të pashembullta dhe të pamëshirshme kundër regjimit që kanë evoluar në një thirrje mbarëkombëtare për t’i dhënë fund regjimit të mullahëve. Protestuesit në rrugët anembanë vendit po brohorasin parulla kundër regjimit, duke përfshirë “Vdekje Khamenei!” dhe “Vdekje diktatorit!” duke iu referuar drejtpërdrejt liderit suprem të regjimit Ali Khamenei.

Protestuesja e arrestuar, Shaghayegh Khademi, 23 vjeç, dënohet me 16 vjet

Shaghayegh Khademi u dënua me 16 vjet burg. Shaghayegh Khademi, 23 vjeç, u rrëmbye në orën 4 të mëngjesit të 21 shtatorit 2022, kur forcat e sigurisë sulmuan shtëpinë e saj. Ajo u ndalua në Repartin 209 të Burgut të Evinit para datës 15 tetor kur në burg shpërtheu zjarri. Më pas ajo u transferua në burgun e Qarçakut në Varamin.

Sipas vendimit të lëshuar së fundmi nga dega 15 e Gjykatës Revolucionare të Teheranit të kryesuar nga gjyqtari Abolghasem Salavati, zonja Shaghayegh Khademi është dënuar me 16 vjet burg.