Abdullah Konushevci: KUKËSI, PLAK I RI

 

Je njeri me fat

Po e shkele Kukësin

E nuk t’i mori mendtë Gjallica

 

Qafa e Kolesjanit

Kalohet vetëm pa kokë

Është tokë që mban larg të huajt

Që nuk lë trok të lirët

 

Nuk puthen kot

Në zemrën e tij

Drini i Bardhë dhe Drini i ZI

 

Po shkele Kukësin

Mos harro të kthesh me fund

Një teke manaferre

 

Dhe mos ki frikë

As kur gjuajnë rrufetë

As kur fryn me tërbim Bora

 

Nëse Kukësi i Ri s’të ndih

Kukësi Plak ka me të marrë në gji