Mimoza Zymeri: Për lumtuninë…

 

Nis e shkruej për lumtuninë

si nji fmi kur asht i gëzuem

Si nji zog kur i k’non mëngjesit

tuj i dhanë gëzim ditës.

 

Lumtuni asht kur çohesh prej gjumit

dhe me zemër falenderon Zotin

Dhe atëherë kur i numëron bekimet

dhe kupton sesa vlerë kanë ditët.

 

Lumtuni asht dhe atëherë

kur e shijon çdo minutë t’jetës

Zhytesh n’gjumë me mendime t’mira

dhe n’mëngjes çohesh i lumtun.

 

T’lumtun t’ban dhe mirësia

kur me dashni e kqyr jetën

Lumtunohesh nga gëzimi

kur dëgjon për suksesin e tjetrit.

 

Eh, nuk ka lumtuni ma t’madhe…

Se sa njeriu kur e gjen veten.