Zana Tako: Të vështroj e magjepsem…

Të vështroj e magjepsem…

Nuk e mat dot hapin tënd

As rrezen e vështrimit tënd

Dua të kuptoj, por ndihem e vogël

Pa fuqinë tënde dot nuk rritem

Në heshtjen tënde dëgjoj tingullin e fjalës

E buza më dridhet

E shpirti shqipton pa zë

Atë që më ke mësuar tash sa kohë

Që nuk e harroj as në kohën e dhimbjes

As në kohën e provës

Jeta është si oqeani

Ku mësojmë të zhytemi e të mos mbytemi!

8 maj 2023.