Elon Musk prezanton drejtoreshën e re ekzekutive të “Twitter”

Elon Musk prezantoi Linda Yaccarino, dikur drejtuesja kryesore e marketingut të “NBC Universal”, si drejtoreshën ekzekutive të “Twitter”-it, njofton “Xinhua”.

Përmes një postimi në “Twitter”, Musk tha se Yaccarino do të fokusohet në operacionet e biznesit dhe ai do të fokusohet në dizajnin e produktit dhe teknologjinë e re.

Musk e bleu platformën e mediave sociale për 44 miliardë dollarë amerikanë vitin e kaluar. Kompania u riinkorporua në “X Corp.” muajin e kaluar dhe nuk ekziston më si një korporatë e veçantë, por ajo ende përdor emrin e markës.

Yaccarino ka punuar më parë në “NBC” si drejtuesja kryesore e marketingut dhe partneritetit me klientët, si dhe shefe për shitjet e reklamave digjitale.