Manushaqe Toromani: LE TË DUHEMI…

 

Ti më duhesh mua

Jo për forcën tënde

Jeta ka treguar shpesh sa shumë forcë ka një grua

Por në krahët e tu të më mbështjellës, e unë të ndjehem e brishtë tek më belbëzon

Më ke mua.

 

Ti, më duhesh  jo të më bësh të derdh lot e të më duket vetja e dobët.

Por, nëse dikur do të kem qarë

Tani të jesh forca ime.

 

Ti më duhesh mua.

Jo se jeta ime merr fund pa ty

Unë dhe deri tani kam jetuar

Por fundin le ta presim të dy.

 

Ti më duhesh mua

Po po, më duhesh mua

A e ke pyetur veten

sa të duhem ty?