Zana Tako: Eh malli…

 

Kjo fjalë që gurin e shkërrmoq në mijra copa

Që me lotët formon diej plasaritës

Që me fjalën puth e çmallet

Që me shpirtin rend e nuk lodhet.

 

Kur të gjej, zë e këndoj

E fryma më mbaron tek ti

Dhe një jetë e re fillon

Kur më frymon me ndjenjën dashuri.

 

Nuk lodhem të të dua

As ti nuk lodhesh me mua

Sa pak fjalë kur ndjenja derdhet si lumë

Lag e freskon buzët e tua.

 

Me njomështinë e dashurisë mëkohem

Mushti i pijes që deh në pafundësi

As të rritur, as të vegjël

Jetojmë me ndjenjën e madhështisë, dashuri!

26 korrik 2023.