Zana Tako: Në zjarrin e dashurisë…

 

 

Nuk e shoh zjarrin e dashurisë tënde

Por ndjej se si digjem në të

Përvëlohem

E përsëri jam gjallë

Marr frymë

Jetoj

Si flaka e dashurisë që nuk shuhet

Si prushi i saj që nuk fiket

 

Jeto me mua

Të marrim frymë brenda zjarrit

Ngrohtësisë, përvëlimit

Se atje ku ngroh dashuria

Zbukurohet ndjenja, dëshira, mendimi

 

Prehje e ëmbël

Të digjesh e të jetosh

Në zjarrin e dashurisë…

21 nëntor 2023.