Fjali për vetminë pa pikë pa presje

Fjali për vetminë pa pikë pa presje

Millosh Gjergj Nikollës

 

unë dhe ti murgeshë

dy skaje të një litari

 

 

Ty murgeshë ta truaj këtë lutje

e n’daç mos m’i gjeni murgeshë

vargjeve zbehur për meshë vetmie

vendin n’altar mes kokrrash rruzare

 

po si besëtar e banor i hershëm i feve

fqinji vëllam i tjetrit skaj të litarit tënd

tash ca më larg shërbese hovesh rinore

nën kurajën pash më pash t’i bie ferrit

 

lutem murgeshë pash Zotin e vërtetë

përballë tundimesh rishtari si neve

mos e tund dreqin aq plot hire

nën zinxhirët atë temjanicë

 

e në mos mundsh

mbarë e me fund çliroje

esencën e mirrës temjan

arome të shlirë profanie

 

 

 

 

 Krenar Zejno/vëllimi poetik: Për në jug të gjërave