Dr. Vlora Obertinca: Motivimi, terapi për të shëruar shpirtin

Psikoterapia apo motivimi duhet të zbatohet çdo ditë nga ne, duke i dhënë vullnet njeri-tjetrit me fjalë të mira, sepse kështu e ndihmojmë njeri-tjetrin, që mendimet tona pozitive të mos bien poshtë. E nëse nuk e përdorim çdo ditë motivimin apo psikoterapinë, mund të shkojmë në depresion dhe do të na duhen patjetër ilaçe. E mandej, krahas ilaçeve, prapëseprapë do të duhet të zbatohet motivimi i quajtur shkencërisht, psikoterapi. Në fund të fundit, asgjë nuk shërohet deri në fund pa u shëruar shpirti, sepse shpirti i shëruar shëron çdo gjë në trupin tonë.

Motivimi më i mirë është biseda e shpeshtë me njerëz që kanë energji pozitive, me njerëz dashamirë që mund ta hapni zemrën e shpirtin. Kēshtu duke biseduar me njeri-tjetrin, ne shkëmbejmë energji pozitive që ndikojnë pozitivisht në motivimin tonë.

Të dashurit e mi, mos e kurseni energjinë motivuese për njeri-tjetrin, sepse njeriu ka nevojë për njeriun e mirë, siç thotë një fjalë e urtë ‘njëra dorë lanë tjetrën, e dy duart lajnë fytyrën’.