Selaudin Guma: O LUZAT, VENDLINDJA IME

 

Si plisat e kosovarëve

Dhe takiet myzeqare

Qylafët me maja labe

Janë dhe kokojkat e maleve.

 

Shih Shëndëllinë përballë

Dhe Golikun kryelartë

Përballë gjithçka me pallçinë

Buza e Bredhit, mal i lartë.

 

O Luzat, vendlindja ime

Kodra, male edhe pyje

Ujë kristal me plot burime

Mbushur dashuri, kujtime.

 

Ne u lindëm dhe u rritëm

Në gjirin tënd u formuam

Rroba grisur, të mardhuar

Zbathur, këmbë përvëluar.

 

Veçse ne të kemi njohur

Në çdo skutë, në çdo kodër

Kodra, fusha edhe brigje

Përfshi dhe Hoset e Gjyle.

 

Ti je vendlindja ime

Aty ku rritet kaprolli

Ku lulëzon graovina

Lule, aromë trëndelina.