Sahaidachny, udhëheqësi ukrainas i kozakëve, që shpëtoi Europën nga osmanët

Petro Konashevych-Sahaidachny është padyshim një nga udhëheqësit më të mëdhenj ushtarakë ukrainas të të gjitha kohërave. Si Hetman – ose shefi – i Kozakëve Zaporizhian nga 1616 deri në 1622, ai fitoi të gjitha betejat e tij tokësore dhe detare. Ai i shndërroi formacionet ushtarake të vetëorganizuara të Kozakëve në një ushtri të rregullt.

Ishte nën udhëheqjen e tij, shtresa të ndryshme të shoqërisë ukrainase u bashkuan në një komb të vetëm. Atij i përket lavdia e betejës së Khotinit të vitit 1621, ku Evropa u shpëtua nga një pushtim osman. Hero i legjendave dhe këngëve të shumta popullore, ai mbetet një personazh historik popullor.

Jeta e hershme
Emri i familjes së tij ishte Konashevych. Nofka e tij, Sahaidachny, e ka origjinën nga fjala ukrainase sahaidak (kukurë), për të theksuar aftësitë e tij në gjuajtjen me hark.

Ai lindi në 1582 në fshatin Kulchytsi, tani në rajonin Lviv të Ukrainës perëndimore, atëherë nën kurorën polake. Prindërit e tij i përkisnin fisnikërisë vendase që mbeti besnike ndaj kishës ortodokse në mjedisin kryesisht katolik. Në atë kohë, shumë manjatë ukrainas u konvertuan në katolicizëm për të përmirësuar mundësitë e tyre politike dhe për të marrë mbështetje nga fisnikëria dhe kleri polak.

Megjithatë, mjaft mbetën të lidhur ngushtë me Kishën Ortodokse, duke mbrojtur dhe mbështetur në çdo mënyrë komunitetet ortodokse vendase. Njëri prej tyre, Princi Kostiantyn Ostrozky, themeloi Akademinë Ostroh, një nga shkollat e mesme të para dhe më të mira në Evropën Lindore. I riu Petro Konashevych ishte ndër studentët e tij më të zgjuar. Si fisnik, ai ishte i stërvitur edhe në aftësitë ushtarake që në vitet e tij të hershme dhe ishte veçanërisht i mirë në gjuajtjen me hark.

Prijësi i Kozakëve

Pas diplomimit ai u nis për në Kiev për të praktikuar si mësues privat, por së shpejti braktisi karrierën e mësimdhënies për t’u bashkuar me kryengritësit kozakë. Komandantët dhe kolegët kozakë vlerësuan shumë aftësitë dhe guximin e tij ushtarak, të cilin ai e demonstroi në dy fushata – Moldavia në 1600 dhe Livonia në 1601. Pikërisht atëherë Konashheviç mori pseudonimin e tij “Sahaidachny”.

https://www.kyivpost.com/post/25965