Politikani serb në komitetin e forumit me bazë në Moskë
Një ish-ministër i kabinetit serb është zgjedhur në komitetin e Forumit të Lirisë së Kombeve në Moskë, tha të premten kreu i partisë Rusia e Bashkuar, Dmitriy Medvedev.
Në një njoftim për shtyp thuhet se Nenad Popoviç, ish-ministër pa portofol në kabinetin e kryeministres Ana Brnabiq dhe udhëheqës i Partisë Kombëtare Serbe (SNP), u emërua në komitetin e forumit ndërkombëtar që po mbahet në Moskë. Nenad Popovic është i njohur për pikëpamjet e tij të theksuara pro-ruse dhe lidhjet e tij të biznesit me kompanitë ruse.
Popoviç bashkë-kryesoi një debat në forum me Andrei Klimov, zëvendëskryetar i Komisionit për Çështjet Ndërkombëtare të Rusisë së Bashkuar, thuhet në njoftimin për shtyp. Forumi u organizua për të bashkuar kundërshtarët e kolonializmit nga më shumë se 50 vende, thanë organizatorët.