Ibrahim Vasjari: Rrudhat e nënës

-Nga cikli poetik ‘’Mall e mbresa’’-

 

Në foto – nëna.

Një mori rrudhash

Mbi ballë e në faqet e thara.

Një hartë hieroglifesh

Me vraga ditësh të vrara.

 

Nëna – e trishtë,

E rreshkur, flokëthinjur

Unë – mes vegimesh

Me fatet jetës duke u grindur.

 

Rrah të zbërthej rrudhat e saj

Por a ia dal dot!?

Dhe ç’të lexoj!?

I dhimbshëm teksti i plotë.

 

Rrudhat – hieroglifet e së vërtetës

Zeher, si ditët e saj të jetës.