Miller: Vizita e Dodik në Rusi është e fundit në një seri shembujsh të izolimit të tij nga komuniteti euroatlantik
Zëdhënësi i Departamentit të Shtetit të Shteteve të Bashkuara të Amerikës (SHBA) Matthew Miller deklaroi se vizita e Presidentit të Republikës Srpska Milorad Dodik në Rusi është e fundit në një seri shembujsh se ai është i izoluar nga komuniteti euroatlantik.
Presidenti i RS vizitoi Rusinë këtë të dielë dhe u takua me presidentin Vladimir Putin.
Ai i tha Zërit të Amerikës se Uashingtoni beson se askush nuk duhet t’i japë presidentit rus Vladimir Putin një platformë për të promovuar agresionin e tij kundër Ukrainës.
“Ne do të mbajmë gjithashtu përgjegjës individë dhe institucione që kërcënojnë stabilitetin dhe sigurinë e Bosnje dhe Herzegovinës (BiH),” tha zyrtari i Departamentit të Shtetit.
Miller theksoi se SHBA-të janë me popullin e Bosnjë-Hercegovinës dhe mbështesin të ardhmen e sigurt dhe të begatë të Bosnjë-Hercegovinës në komunitetin euroatlantik.