Astrit Lulushi: Mosha

Jetëgjatësia mesatare në Shtetet e Bashkuara është afërsisht 77 vjet, por rreth një në çdo 5000 njerëz jeton për të festuar 100 vjet.

Gratë përbëjnë 85% të këtyre njëqindvjeçarëve dhe 90% të superqindvjeçarëve (ata që jetojnë deri në të paktën 110).

Dhe disa shkencëtarë besojnë se jetëgjatësia e tyre është pjesërisht e lidhur me të paturit e dy kromozomeve X. Studime të tjera sugjerojnë se të kesh një personalitet të lumtur dhe lidhje të forta sociale mund të kontribuojnë gjithashtu në jetëgjatësi.

Më të moshuarit shpesh kanë një perspektivë unike që kapërcen sfidat e përditshme të jetës. Përvoja dhe humori i tyre mund të shërbejnë si busull për ne të tjerët, duke ofruar njohuri për qëndrueshmërinë e shpirtit njerëzor.

Fjalë të mençura dhe të mprehta që kanë lënë njerëzit më të vjetër ofrojnë një këndvështrim shumë të nevojshëm dhe përforcojnë fjalët e filozofit romak Seneka: “Jeta është e gjatë nëse di ta përdorësh”.

Kur u diplomova më 1927, thoshte një 120 vjeçare, më thanë se kisha shumë mundësi për të pasur sukses. Nuk e kuptoja se do të zgjaste kaq shumë.

Është mirë të jesh këtu. Kur je 100 vjeç, është mirë të jesh kudo.

George Burns (jetoi deri në 100)

Njerëzit më pyesin: “Cili është sekreti”? Përgjigja është e thjeshtë. Zgjidhni gjyshërit e duhur. Burns vdiq me cigare puro në gojë. Për të nuk kishte sekret sesi të rrosh gjatë.

‘A nuk do të ishte e tmerrshme nëse do të kishit kaluar gjithë jetën tuaj duke bërë gjithçka që duhej të bënit… dhe papritmas një ditë do t’ju godiste një autobus i madh i kuq dhe ndërsa rrotat përplaseshin me ju, do të thoshit: “O Zot, mund të kisha pirë dhe të isha dehur mbrëmë”! Kështu duhet ta jetosh jetën, sikur nesër do të të godasë një autobus i madh i kuq’, thoshte mbretëresha Elizabeth II e Britanisë së Madhe, e cila jetoi 96 vjet (1926-2022).