Zanë Mali: SHKËLQIMIT TË SYVE TË MI FLUTURON

 

Më ndjek butësisht qenia jote e çiltër,

me hapat që ritmëtojnë udhëve.

 

Hapësirave imagjinare piklat e shiut

rishtas i ndjej

ditën kur do të vish.

 

Ti fluturon shkëlqimit të syve të mi

nën qiellin vjollcë

e vjen.

 

Frymëmarjen e munguar fitoj

e përhumbem ëmbëlsisht fytyrës sate.

 

Më drithëron prekja jote

poreve të shpirtit e në secilën qelizë

më mbështjell me kënaqësi.

 

Asnjë fjalë të vetme nuk e dëgjova

duke i shijuar shikimet tua lozonjare

ëndrrat të mia të çmendura

për buzën tënde të poshtme

zjarrin në të cilin doja të digjesha

të vdisja e të ngjallesha

përsëri vetëm për ty.