Dua Lipa në kopertinën e 100 njerëzve më me ndikim në botë të revistës TIME
Tre vjet pas pasi filloi të publikohet lista me 100 pionierët revolucionar të revistës TIME në fusha të ndryshme të jetës, Dua Lipa zbukuron kopertinën e saj të re si një nga njerëzit më me ndikim në botë.
Deri më tani pesë nga këngët e Dua Lipës janë ngjitur në Top 10 të Billboard-it në SHBA, ndërsa vitin e kaluar ajo mori pjesë edhe në një nga sukseset më të mëdha komerciale filmike të viteve të fundit, filmin “Barbie”, ku ajo këndoi një nga këngët më të rëndësishme nga kolona zanore, të cilat ajo i shkroi bashkë me Mark Ronson. Ndërkohë, ajo u shfaq edhe në filmin “Argylle”, ndërsa vazhdon të nxjerrë këngë nga albumi i saj i tretë radhazi, i titulluar “Optimizmi Radikal”.
Ylli me origjinë nga Kosova beson plotësisht në fuqinë e manifestimit dhe gjithmonë deklaron synimin e saj për të arritur qëllime specifike.
“Manifestimi është i rëndësishëm për mua… Asgjë nuk është aq e madhe nëse nuk manifestohet”, thotë këngëtarja me origjinë shqiptare e cila qysh në fëmijëri “regjistroi” ëndrrat e saj dhe gjithmonë kujdesej të ndiqte përmbushjen e tyre.
Ajo nuk është e përfshirë vetëm në këndim dhe aktrim, por edhe në media, duke krijuar një nga podkastet më të mira të vitit 2022, sipas Spotify. Podkasti Dua Lipa: Në shërbimin tuaj është angazhimi i parë i Dua Lipës në media.
Pak kohë më parë ka marrë nënshtetësinë shqiptare dhe e emocionuar thotë:
“Unë vij nga dy vende në të njëjtën kohë. Të qenit nga Kosova është një pjesë e madhe e imja dhe marrja e nënshtetësisë shqiptare është emocionuese”.
Dua Lipa në intervistën e saj theksoi se sa shumë dëshiron të ndryshojë përshtypjen rreth Kosovës dhe që bota ta dijë se ka gjëra të tjera në të, se nuk identifikohet vetëm me luftën. Madje ajo dhe babai i saj organizojnë një festival muzikor në Prishtinë, qëllimi i të cilit është të sjellë në vend njerëz nga e gjithë bota.
“Kur kam jetuar në Kosovë, nuk na ka vizituar asnjë nga artistët e mi të preferuar. Ëndrra ime më e madhe është të jem në gjendje ta bëj këtë për fëmijët sot”.
Për momentin ajo ka deklaruar se po merret me albumin e saj të tretë dhe promovimin e tij, megjithatë thekson se aq sa e do karrierën e saj muzikore dhe mundësitë krijuese që i ofron, ajo nuk është vetëm muzikante, por diçka më e ndërlikuar.
Siç thekson Patti Smith, vetëbesimi i Dua Lipës po shpërblehet pasi ajo së fundmi lançoi kompaninë e saj mediatike, Radical22.
“Unë jam duke mbjellë fara për përpjekjet e mia të tjera gjatë gjithë jetës sime. Është një mënyrë që unë t’u tregoj të gjithëve anët e tjera të mia”, thekson ajo, duke na bërë edhe më kuriozë se cili do të jetë hapi i saj i radhës.