ILDA MEJDANI JEHA: DASHUROJ DHE HESHT

Lind sërish.
Luftoj veten pas fitores. E mundur!
Kremos vrajat e padukshme. Mondane!
Vishem me ngjyra frutash të kalbura.
E gjallë!
Ndjek këmbë mbi këmbë,
paradën e urrejtjes së përzemërt,
të vetmuarit që mbllaçisin kohë,
shtinjakët seriozë,
të pasurit në panairin e frikërave,
gjindjen e mefshtë në tregun e mjerimit,
të diturit – perla të zeza,
fëmijët – robotë të bardhë,
Imagjinoj bukurinë e tokës pa njeriun.
Dashuroj dhe hesht.
Shkëlqej në errësirë.

Ilda Jeha: Një burrë i mirë qan fshehurazi