Astrit Lulushi: Gjenerata e Fikut

Profecia e Fikut quhet kêshtu, kur pemët e fiqve ishin të zakonshme në Izrael. Ngjarja mund të ketë ndodhur pasi pranë kishte një pemë fiku, kut Jezusi përdori këtë ilustrim të shenjave të fundit të kohëve.
Shfaqja e gjetheve në fikun paralajmëron fillimin e verës; në mënyrë të ngjashme, shfaqja e të gjitha gjërave që Jezusi sapo kishte përshkruar do të lajmëronte ardhjen  e dytë dhe fundin e epokës.
Jezusi thotë se, kur njerëzit shohin të gjitha këto shenja, atëherë fundi është afër.
Por cilat janë shenjat? Ja çfarë kishte përmendur Jezusi:
“Do të ketë luftëra dhe thashetheme për luftëra.

Kombet do të ngrihen kundër njëri-tjetrit.

Do të ketë zi buke dhe tërmete në mbarë botën.

Të krishterët do të përballen me persekutim dhe vdekje.

Shumë besimtarë të deklaruar do të largohen nga besimi dhe do të tradhtojnë njëri-tjetrin.

Ligësia do të rritet.

Dashuria e shumicës do të ftohet.

Do të ketë një kohë shqetësimi të madh, të pakrahasueshëm në historinë e botës. Shenja e Birit të Njeriut do të shfaqet në qiell”.
Sipas profecisë së fikut, “kur t’i shihni të gjitha këto, mund ta dini se kthimi i tij është shumë afër, pikërisht te dera” (Mateu). Teologët i konsiderojmë këto fjalë të Jezusit me gjykimet e vulës sē 6-të Zbulesës.
Jezusi vazhdoi duke thënë: “Në të vërtetë, ky brez me siguri nuk do të kalojë derisa të kenë ndodhur të gjitha këto gjëra”.
Me fjalë të tjera, njerëzit që do të shohin fillimin r gjarjeve do të jenë të njëjtët njerëz që do të shohin fundin. Disa e interpretojnë si: brezi që sheh fillimin e fundit; ose edhe fundin e tij. Kur të vijnë shenjat, ato do të ecin shpejt; nuk do të zvarriten për shumë breza.
Ata që presin dhe vëzhgojnë, quhen “Gjenerata e Fikut” dhe presin që profecia të përmbushet.