Vasil Dilo: ME PENGJE IKE I NGARKUAR

Helidon Haliti: Shkrimtari

 

(I kushtohet mentorit tim Ismail Kadare)

 

Me pengje ike i ngarkuar

Na le dhe ne me pengje plot,

O Perëndi, na kufizo mëkatet!

Shpresën na ruaj o i madhi Zot!

 

Se një tjetër kataklizëm po afrohet

Se njerëzimi vetveten gjuan me rrufe,

Atje në anijen e re të Noes

Të shoh edhe ty o Kadare…

 

Të shoh atje në një dritare

Të zymtë, të heshtur si përherë,

Dhe fjalën tënde profetike

Të shkapërderdhur në eter…

 

Do thonë për ty “bëre Epokë”…

Do thonë për ne “qemë dëshmitarë”,

Po të gjitha këto s’kanë asnjë vlerë

Nëse njerëzimit s’i vete mbarë…

5 korrik 2024.