Avdush Canaj: Interesante

Do të ishte interesante,

lulet të shkojnë te lumi,

si patat të kënaqen.

Tepër intersante do të ishte!

Kanë frikë, sigurisht,

dikush mund t`ua vjedh fustanet

si hënës në përrallën time.

Për atë i thërrasin retë në telefon

të luajnë shpesh operetë

në teatrin e blertë të kopshtit.

Interesante do të ishte

lulet të shkojnë te lumi,

të kënaqen si patat!