Ish-ambasadori amerikan: Perëndimi po forcon Vuçiqin, i cili po minon të tjerët në Ballkan
“Duket se po angazhohemi më shumë rreth Vuçiqit, ndërkohë që po humbasim pak Bosnje-Hercegovinën, Malin e Zi, Maqedoninë e Veriut. Bullgaria është në një gjendje të tmerrshme. E dini, ekziston një shprehje në SHBA që ne shpenzojmë më shumë kohë për armiq se sa miq”.
Nuk ka kuptim që Perëndimi po forcon presidentin serb Aleksandar Vuçiq, i cili ruan marrëdhëniet mes Beogradit dhe Moskës, tha sot ish-ambasadori i SHBA-së në NATO, Kurt Volker.
Volker, ish i dërguari special për Ukrainën, i tha Radios Evropa e Lirë se Vuçiç po përpiqet ta bëjë Serbinë “Rusi në Ballkan”, ndërsa përpiqet të ruajë “lirinë e caktuar të manovrimit dhe pavarësinë me lëvizje si blerja e ‘pushëve’ franceze”.
Prandaj, tha ai, për ta bërë Serbinë “një vend dominues në Ballkanin Perëndimor që luan kartën e pakicës serbe në vendet e tjera, duke u mbështetur në një masë të madhe tek Rusia, furnizuesit e saj të energjisë dhe Kisha Ortodokse Ruse”.
Volker tha se shitja e granatave nga Serbia në Ukrainë nuk është vetëm një marrëveshje biznesi, por edhe pjesë e përpjekjeve të Beogradit për të luajtur nga të dyja palët.
“Duket se jemi më të angazhuar rreth Vuçiqit, ndërkohë që po humbasim Bosnje-Hercegovinën, Malin e Zi, Maqedoninë e Veriut. Bullgaria është në një gjendje të tmerrshme. E dini, ekziston një shprehje në SHBA që harxhojmë më shumë kohë për armiqtë sesa për miqtë”, tha ai.
Volker tregoi se nëse presidenti rus Vladimir Putin ka sukses në Ukrainë dhe Perëndimi tërhiqet ose humbet, bota po shkon drejt një lufte globale sepse kjo do të inkurajojë Kinën, Iranin dhe Venezuelën të mendojnë se mund të arrijnë ambiciet e tyre.