Milatoviq: Unë jam një malazez që flas gjuhën serbe, e di i gjithë Mali i Zi
Unë jam një malazez që flas gjuhën serbe, tha Presidenti i Malit të Zi në një emision televiziv ‘Minula nedjelja’ (eng. Javën e kaluar) të transmetuar në Aplus TV.
“I gjithë Mali i Zi e di këtë: unë jam një malazez, që flas gjuhën serbe. Nga ana tjetër, nuk mendoj se njerëzit që flasin gjuhë malazeze e duan më pak këtë vend dhe anasjelltas – se dikush që deklarohet si serb e do këtë vend më pak. Unë thjesht nuk e vë theksin në ato gjëra, por nëse dikush pyet, përgjigja ime është konkrete. E drejta e çdo individi në këtë vend është të thotë se cilën gjuhë flet”, tha Presidenti Milatoviq.
Deklarata e Presidentit për gjuhën që ai flet ndezi tensione në një pjesë të publikut.
“E di se çfarë thotë Kushtetuta – se gjuha zyrtare është malazeze dhe serbishtja është në përdorim zyrtar. Kur bëhet fjalë për ndjenjën time nacionaliste dhe gjuhën që flas, isha i qartë dhe transparent në krahasim me disa politikanë që u përpoqën të shmangnin këtë pyetje”.