Filloi të shkruaj më shpesh jo vetëm për ushtrinë, por edhe për jetën dhe veprimtarinë në Fushëkrujë dhe Krujë. Në këtë rrugëtim pati përkrahjen e gazetarit Mehmet Loci  e Teodor Misha, të cilit ishin në gazetën “Kastrioti” të Krujës. Përveç kësaj  lidhet me gazetën “Bashkimi” e gazetarin Besnik Dizdari. Vazhdimisht dërgonte shkrime në këtë gazetë. Paralelisht me gazetën “Bashkimi” u lidh me gazetën “Luftëtari”. Në faqen e saj çdo javë kishte shkrime me firmën e Riza Çeles. Krijoi miqësi me gazetarët e njohur Xhoxhi Keko, Mina Qirici, Fuat Çeliku e Thanas Tane. Kjo lidhje e miqësi vazhdoi edhe pas mbarimit të ushtrisë. Shpesh vinte një telefonatë në Tropojë, kërkonin një shkrim për gazeten. Ditët kaluan e miqësia e bashkëpunimi rritej. Organet që botonte shkrimet ishin zgjeruar. Gazeta Zëri i Rinisë, Zëri i Popullit, Mësuesi e Puna. Pas  kthimit nga ushtria nisi  punë në fshatin Berishë të Tropojës. Aty ishte një sektor sharre ku u njoh  me shumë punëtorë në kantier. Ata shërbenin si frymëzim për shkrimet e shumta që botonte. Ai shkruante vazhdimisht për sharrtarë e njerëz të fushave të ndryshme. Riza Çelaj u bë një emër i njohur në të gjithë Tropojën. Me shkrimet e tija pasqyronte jetën e veprimtarinë e banorëve të kësaj ane. Po në këto vite vazhdonte studimet e larta për gjuhë e letërsi në Tiranë. Pas afro 5 vitesh në Berishë kthehet në Tropojë në shkollën 8 – vjeçare  duke dhënë gjuhë e letërsi. Edhe këtu krahas mësimit gjente kohë të bënte shkrime për gazetën. Miqësia dhe njohja me gazetat rritej çdo ditë, veç falenderimeve ata i kërkonin të dërgonte shkrime  për Tropojën. Gjatë kësaj kohe u zgjodh edhe anëtar pleniumi në Bashkimet Profesionale të rrethit. Merrte pjesë në mbledhjet organizative profesionale në zonën e Tropojës, në shkolla e qëndra shëndetesore. Me vendimet e tij të matura e shpesh herë të guximshme ka tërhequr vëmendjen tek të gjithë. Pas mbarimit të shkollës për 23 vite dha mësim në shkollën e mesme të bashkuar “Ali Iber Nezaj”  Tropojë, në shkollën e mesme Babinë, në shkollën 8 – vjeçare Lugu i Tropojës, ku për 2 vite qe edhe drejtor shkolle. Kudo suksese e vlerësime për të si mësues e njeri i komunikueshëm. Pas viteve 1990 vazhdoi të punonte me përkushtim duke aktivizuar talente të reja që kishin prirje për të shkruar. Janë me dhjetra nxënës që shkruan poezi e tregime. Po kështu montazhet letrare për qytetarë nderi që u shpallën nga komunat e bashkia, zënë një vendtë rëndësishëm në punën e Riza Çelës. Shumë shkrime u shkruan për shkollat e tropojës veçanërisht për shkollën “Ali Iber Neza” e që mbajnë firmën e Riza Çelës. Gazeta “Nacional”, “ Telegraf”, “Gazeta e Alpeve”, “Kushtrim Brezash” me gazetarët e nderuar Mujo Buçpapaj, Engjell Musai, Ramiz Lushaj, Bashkim Koçi i kanë mirëpritur e botuar shkrimet e Riza Çelës. Gjatë viteve 2001 e më vonë u aktivizua në shoqatën “Viktimat e minave e të armëve” me qendër ne Kukës me drejtues Jonuz Kolen, me shoqatën “Veriu në drejtim” me drejtues  Kujtim Morinën. Tregimet e montazhet letrare vërshuan nga dora e Riza Çelës. Janë rreth 30 tregime të shkurtra. Para se të dilte në pension u aktivizua në organizatën e veteranëve pasardhësve në Tropojë. Është aktiv me shkrime e merr pjesë në veprimtari që zhvillohen. Gazeta “Kushtrim Brezash” është bërë një organ i dashur për Riza Çelën. Për këtë është vlerësuar duke u zgjedhur anëtar të komunitetit veteranëve për Tropojën. E shikon tek merr pjesë aktive në veprimtaritë që zhvillohen në organizata duke pasqyruar në gazeta çdo veprimtari. Sot në 70 vjetorin e lindjes emri i Riza Çelës si mësues për 45 vite , si gazetar për 52 vite e kanë bërë të vlerësuar e të nderuar në Tropojë e më gjerë. Në rreth e njohin  e respektojnë. Shpesh merr rrugën për në Kukës, Has, Bytyç, Bjeshkë të Dobërdolit e Sylbicës në Tërkuz. Pas kaq vitesh dëshira veç ju ka shtuar për të shkruar që jo çdo kush e ka. Në rreth e njohin dhe e respektojnë, në Tiranë gazetarët e njohin e respektojnë e vlerësojnë. Respekt e vlerësim kanë drejtuesit e veteranëve në rreth e Tiranë. Vitet kalojnë e ne i urojmë jetë të gjatë e veprimtari të vazhdueshmë si deri tani. Urime mësues e gazetar Riza Çelaj, njeriut të palodhshëm që kurrë s’pushoi si shkrimtar për njerëzit e Tropojës që janë një  burim frymëzimi për të gjithë në mënyrë të veçantë për Riza Çelën.

Ibrahim Hajdarmataj