Zana Tako: Valëz që shkumbon bregut

Valëz që shkumbon bregut,

herë gufohesh, herë tërhiqesh në qetësi,

më ndjell, më largon,

herë vjen e herë shkon.

Mos u përpiq të më marrësh me vete,

atje thellë në thellësi,

më pëlqen të zhytem vetë,

e të dal në sipërfaqe përsëri.

Jo se tek ti nuk kam besim,

por thellësitë duan guxim,

se mbytesh moj valëz lozonjare,

e sipërfaqen nuk e sheh më fare.

Ndaj më sheh,

e të shoh me durim,

shko në punën tënde,

e unë në fatin tim.

Mos zhurmo më kot,

e mos u rrëmbe nga fjalët e shpirtit tim,

ruaje qetësinë,

zhurmo vetëm me stuhinë.

Mos derdh lot,

se do shihemi mot e nga mot,

unë në qetësi,

e ti, duke shkumbuar si valë deti.

Tetor 2024.