Jorida Satka: Shuaj dashurinë

Skanova gënjeshtrat e dashurisë,

duke vrapuar në gropa poresh.

Mbrëmjeve copëzat e buzës luteshin,

duke u ngjyer në fjalë të gjakosura.

Ajo është dhimbje…

me shije kanibaleske, ndjellëse.

Zjarr nga toka,

vampirë për sulm,

mesi i natës kërkon shpagim.

Në kafkat e thyera

kërkoja pjesën e trurit,

që përdhunonte mendimin e grave,

gënjeshtra të përhapura si spermatozoidë.

Dielli i mengjesit djeg çka gjen.

Ndez cigaren që unë pi,

duke shijuar kafen

këmbë përmbi këmbë në tavolinë.

Shuaj në tavëll dashurinë.