Bledar Koçi: MË THËRRET ATJE NJË LUMË

– Shokëve të një udhe –

Më thërret atje një lumë

Si të ç’mallem, nuk e di.

Si askush e dua unë,

Shterur zajesh vjen në gjumë

Mes një ëndrre bardhësi.

Oh, ç’dëshira rrodhën shtratit

Nëpër dredhat ujëpakë,

Humbur valëzave të fatit

Poshtë këmbëve të malit

Shpresë e shelgje ndezën flakë

Ç’më thërret atje në breg

T’i derdh anës ca kujtime

Si t’a gjej të vjetrin shteg,

Të më çojë atje nën shelg

Ku fle lumë i zemrës sime.