Zanë Mali: PËR ATË AROMË TË TRUPIT TËND

Shpirti ka marr formën e dashurisë

me fije argjendi stolisur

nga muzat e kohërave ilire

që mrizojnë syve që m’i more ti

Sa herë shpirti përflaket

ajo dritë ngjyrë ari

vezullon rrugëve të tua

Përmes fluturave të fshehura

hapësirave të mia të ndjeshme

fluturoj atje ku je

edhe kur s’më pret

Rri zgjuar ushtari im

Të gjitha fluturat që kam gëlltitur për ty

një nga një do t’i kthej

për ta shijuar atë aromë të trupit tënd