Zana Tako: Në tramvajin e kohës

Hipur në tramvajin e kohës,

stacioni im ishe ti,

pak minuta, pak orë, pak ditë,

por shumë dashuri.

*

Zbrita në tokën e shpirtit tënd,

veshur me diell,

zbukuruar me hënë.

*

Dritë yjesh farfurinin gushës tënde,

i miri im,

ç’lule kishe mbjellë në lëndinë?

*

Me vello të mbështillja,

me puthje më rrëmbeje,

tramvaji i kohës nuk ndalonte,

stacion tjetër nuk kërkonte.

*

Çfarë është ndjenja i miri im?

Është magjepsje, është fluturim,

ku dehesh me lumturinë,

se përqafohesh me dashurinë.

Nëntor 2024.