Ismail Kadare: SHPJEGIM PËR LIBRAT BESIANËS SË VOGËL

Meqë ti do diçka të grisësh patjetër

Në bibliotekën time,

Po të shpjegoj ç’ka këtu

Këto libra janë shkruar gjatë shumë e shumë vjetësh,

Rresht pas rreshti janë mbushur me a, i, u.

*

Ja për shembull ky këtu është xhaxha Homeri.

Për gjithë ne shkrimtarët ky është babazot

Ku i ka sytë, jo, s’ia ka ngrënë macja,

Por, me sa duket, ajo ç’ka parë në botë.

Ky mbi kalë është xhaxha Don Kishoti, vërtet i marrë,

Po më vonë jam i sigurt se për të ti do të qash.