Pamje e re në Shtëpinë e Bardhë, rikthehet Churchill dhe Jackson

UASHINGTON, 22 janar /ATSH-ANSA/ – Nga njëra anë Winston Churchill, nga ana tjetër Martin Luther King dhe në qendër Andrew Jackson: busti i kryeministrit britanik është kthyer për të dekoruar Zyrën Ovale pranë portretit të presidentit të parë populist amerikan me kërkesë specifike të Donald Trump.

Dhuruar nga Downing Street në 1965 menjëherë pas vdekjes së liderit konservator, busti i Churchill ka qenë prej kohësh në qendër të polemikave dhe shqetësimeve.

Ai hyri në Zyrën Ovale me George W. Bush në homazh për aleancën me Londrën në ‘koalicionin e të vullnetit’, ndërsa Barack Obama e kishte spostuar atë.

I kthyer në modë në Trump I, ai kishte dalë sërish me Biden. Jackson, i dashur nga Ronald Reagan, por më pak nga pasardhësit e tij, ishte gjithashtu në qendër të polemikave.

Një hero ushtarak, qëllimi i të cilit ishte të ndihmonte ‘njeriun e zakonshëm’, por që përzuri vendasit e kombit Cherokee nga tokat e tyre duke shkaktuar mijëra viktima, kreu i shtatë i Shtëpisë së Bardhë konsiderohet si një pararendës i presidentit të ri.

Një bust i Robert Kenedit që kishte qenë pranë oxhakut është kthyer gjithashtu. Trump, i cili emëroi djalin e tij RFK Jr. si Sekretar Shëndetësie, pavarësisht kredencialeve të tij kundër vaksit mbajti një portret të Benjamin Franklin, një shpikës dhe burrë shteti, të cilin Biden e kishte varur për të simbolizuar rëndësinë e shkencës.

Perdet e arta në dritare, një prekje e futur nga Trump tetë vjet më parë, i kishin mbetur Biden, i cili megjithatë kishte hequr tapetin e arit, një markë e Organizatës Trump.

Të dy presidentët kanë mbajtur tavolinën Resolute, të dhuruar në vitin 1880 nga Mbretëresha Viktoria, mbi të cilën Donald ka vendosur ‘butonin Diet Coke’ me të cilin do të urdhërojë kamerierët t’i sjellin pijen e tij të preferuar. /atsh