Bledar Koçi: Net hënore

Ti s’e di…

Mëngjesesh vij prapë asaj rruge.

Të njëjtët janë diejt

Që ngjanin me mua dikur.

Dhe retë puplore kah meje,

Me ty më ngjajnë.

Më ndjekin.

Më heshtin me ty.

*

Sekonda, minuta, vrapojnë

E shthurin nga pak

Këtë dimër zemërak,

Ogurzi.

*

Ti s’e di.

Në netë hënore të prita.

Me mallin shqyer nga dhimbja.

Asaj rruge të dashur…

Ku përzieja vetminë me dritat.

Tek shtyja trishtimet e mia

T’i vrisja tek ti.

Ti s’e di.