Mimoza Zymeri: Unë sot u rilinda

Vrava veten time të vjetër

Sepse nuk mund ta shihja tek vuante

Nga mungesa e paditurisë

Për ta njohur të vërtetën.

*

Gjithë këto vite vuajtje, sakrificë

E mund për të tjerët

Duke harruar vetveten.

*

Por unë,

Sot vrava veten time të vjetër

Dhe u ngrita në këmbë

Një shpirt i lodhur nga dhimbjet.

*

Dashurinë që kisha për të tjerët

Ia fala vetes

E këtë ia kisha borxh prej vitesh.

*

Unë sot u rilinda

Si një feniks që ringjallet nga hiri i tij

Dhe fillova t’i shëroja një nga një plagët.