Popullsia e Stambollit arrin mbi 15.7 milionë banorë në 2024
Popullsia e Stambollit, qyteti më i populluar i Turqisë, arriti në mbi 15.7 milionë banorë në vitin 2024, duke lënë pas 131 shtete, raporton Anadolu.
Sipas përpilimit që gazetari i AA-së ka bërë nga të dhënat e vitit 2024 të Institucionit të Statistikave të Turqisë (TÜİK) dhe Fondit të Popullsisë së Kombeve të Bashkuara (UNFPA), popullsia e Stambollit ka shënuar rritje me 45.678 persona në vitin 2024, duke arritur në 15.701.602.
Në Stamboll ku ndodhet 18.3 për qind e popullsisë së përgjithshme të Turqisë është regjistruar se jetojnë 7.82 milionë burra dhe 7.88 milionë gra.
Stambolli, qyteti më i populluar i vendit, ka lënë pas shumë vende në botë me popullsinë e tij që i kalon 15.7 milionë; ai ka dyfishin e popullsisë së Serbisë, Libisë dhe Paraguait
Sipas të dhënave të UNFPA-së për vitin 2024, Stambolli tejkaloi 131 nga 204 vende dhe rajone në matjen e popullsisë.
Në Evropë, Belgjika me 11.7 milionë banorë, Çekia me 10.5 milionë, Greqia me 10.3 milionë dhe Hungaria me 10 milionë banorë janë disa nga vendet që kanë mbetur pas tij.
Ndërsa edhe Jordania, Izraeli, Tunizia dhe Azerbajxhani janë gjithashtu ndër vendet që Istanbuli ka lënë pas në aspektin e popullsisë.
Megaqyteti ka arritur në dyfishin e popullsisë së Serbisë, Paraguait dhe Libisë.
Popullsia e Stambollit ka tejkaluar atë të vendeve të Bashkimit Evropian si Belgjikën, Suedinë, Çekinë dhe Greqinë, si dhe Portugalinë, Hungarinë dhe Austrinë.
Sipas të dhënave të UNFPA-së, disa nga vendet që Stambolli lë pas për nga popullsia janë si më poshtë:
| VENDET | POPULLSIA (milionë) | VENDET | POPULLSIA (milionë) |
| Ruanda | 14,4 | Portugalia | 10,2 |
| Tunizia | 12,6 | Hungaria | 10 |
| Belgjika | 11,7 | Emiratet e Bashkuara Arabe | 9,6 |
| Jordania | 11,4 | Izraeli | 9,3 |
| Kuba | 11,2 | Togo | 9,3 |
| Suedia | 10,7 | Austria | 9 |
| Azerbajxhani | 10,5 | Sierra Leone | 9 |
| Çekia | 10,5 | Serbia | 7,1 |
| Greqia | 10,3 | Libia | 7 |
| Taxhikistani | 10,3 | Paraguai | 6,9 |