Abuzimet me tenderat e Universitetit Bujqësor të Tiranës, GJKKO jep masat për 24 të ndaluarit

Gjykata e Posaçme caktoi sot masat ndaj 24 të arrestuarve me urdhër të SPAK, për skandalin me tenderat në Universitetin Bujqësor të Tiranës, ku akuzohen se kanë abuzuar me fondet që arrijnë vlerë totale të 900 milionë lekëve (të vjetra).

Arrest me burg është dhënë: 

1- Edmond Tërthorja, administratori i UBT-se – “Shkelje të barazisë së pjesëmarrësve në tendera apo ankande publike”, në bashkëpunim, në 6 raste (nenet 258 e 25 të Kodit Penal).

2- Amarildo Lleshi, përgjegjësi juridik i UBT – “Shkelje të barazisë së pjesëmarrësve në tendera apo ankande publike”, në bashkëpunim, në 5 raste, parashikuar nga nenet 258 e 25 të Kodit Penal.

3- Mehmet Qoshja, – drejtor i prokurimeve – “Shkelje të barazisë së pjesëmarrësve në tendera apo ankande publike”, në bashkëpunim, në 3 raste, parashikuar nga nenet 258 e 25 të Kodit Penal.

4- Altin Murto, – Drejtor i fondeve – “Shkelje të barazisë së pjesëmarrësve në tendera apo ankande publike”, në bashkëpunim, në 2 raste, parashikuar nga nenet 258 e 25 të Kodit Penal.

5- Piro Zoga – Zotëruesi i operatorit ‘Krijon shpk’ – “Falsifikimi i dokumenteve”, kryer në bashkëpunim, më shumë se një herë, parashikuar nga neni 186/2 i Kodit Penal (katër raste). Vendimi për këtë të fundit mbetet i paekzekutuar pasi ndodhet jashtë shtetit.

5 të tjerë janë lënë me masën “arrest në shtëpi” dhe 14 në “detyrim paraqitje”.

24 arrestuarit me urdhër të SPAK, janë zyrtarë të Universitetit Bujqësor të Tiranës, biznesmenë por edhe persona të tjerë të përfshirë, ndaj të cilëve rëndojnë akuzat korrupsionit dhe pabarazisë në tendera.

Personat nën hetim akuzohen për abuzime në 9 procedura prokurimi të zhvilluara në vitin 2022, me një vlerë prej 900 mijë eurosh. SPAK thotë se zyrtarë të UBT në bashkëpunim me biznese frynin tenderat dhe përfitonin paratë.